بتكلم عن الشريحه الالكترونية esim بعد تجربتها من التاريخ 1 / 1 / 2019 الى تاريخ اليوم 9 / 2 / 2019
الأجهزة المدعومة
iPhone X🅂
iPhone X🅂 MAX
iPhone X🅁
الاصدارات المدعومة
من 12.1 فما بعد
---
قبل الشرح لاتنسى اضافتي على السناب شات
---
طريقة التفعيل ( يجب تدعمها شركة الاتصالات الخاصة بك )
طبعا التفعيل يكون بثلاث طرق :-
1- يكون عن طريق تطبيق شركة الاتصالات الخاصة بك تفعل خيار تحويل شريحتك الى esim و يطلب منك تثبت الخطة الخلوية و بكذا تحولت شريحتك الى esim و تقدر تتخلص من الشريحة الفعلية.
2- تدخل الاعدادات ثم خلوي ثم اضافة خطة خلوية و تمسح البار كود اللي اعطتك شركة الاتصالات الخاص بك و ينضاف رقمك ( طبعاً هالكود اللي تعطيك اياه شركة الاتصالات لك 5 مرات تسخدمه و بعدها لازم تطلع كود جديد حتى لو كان نفس رقمك ).
3- تدخل الاعدادات ثم خلوي ثم اضافة خطة خلوية ثم ادخال التفاصيل يدوياً و تدخل البيانات اللي تعطيك اياها شركة الاتصالات و تتفعل.
طبعا الطريقة الاولى افضل لانه تسويها بدون مراجعة شركة الاتصالات او شيء
كم شريحه تقدر تضيف ؟
تقدر تضيف اكثر من 10 شرائح esim لكن بنفس الوقت تشتغل واحدة منها فقط مع الشريحة الفعلية و تبدل بين الشرائح من الاعدادات ثم خلوي ثم تحصل الخطط الخلوية و تحصل خيار تشغيل هذا الخط و بطبيعة الحال اي رقم ثاني مفعل يتم اغلاقة
----------------------------------------------------------------------------------------------------------------------------------------------
فائدة كثر الشرائح ؟
انا بالنسبة لي فعلت شريحه اماراتية و شريحة بحرينية و شريحة كويتيه و عند السفر لتلك الدولة ما يحتاج ازور اي مكان لتفعيل النت ، فقط ادخل التطبيق الخاص بهم و اختار الباقة اللي احتاج و عند العودة احط ايقاف هذا الخط من الاعدادات ثم خلوي ثم الخطط الخلوية
----------------------------------------------------------------------------------------------------------------------------------------------
تسمية الشرائح ؟
طبعا لو دخلت اعدادات ثم خلوي تحصل الخطط المضافة و تختار اي خطة و يطلع لك اعداداتها و تسمي الشريحه اللي تبي عشان ما تغلط بين كثر الشرائح
-----------------------------
طريقة الاستخدام ؟
لو دخلت الاعدادات ثم خلوي تحصل خيار الخط الصوتي الافتراضي و تختار اي رقم هو الاساسي و اللي تجري اتصال منه بشكل افتراضي دائما و تختاره
طبعا قبل اي اتصال بتلاحظ موجود عند خيار الاتصال خيار اي رقم تتصل منه و حاط لك اساسا الرقم اللي حطتيه افتراضي و تقدر تغير هالرقم قبل الاتصال و عند كل اتصال على هالرقم بيتصل عليه من الرقم اللي اخترته هنا
----------------------------------------------------------------------------------------------------------------------------------------------
سجل الهاتف ؟
طبعا في سجل الهاتف يطلع لك سجل الهاتف كما هو المعتاد لكن بتلاحظ وجود رقم 1 او 2 تحت كل رقم يبين لك هذا اتصل عليك او اتصلت عليه من اي شريحه و بطبيعه الحال 1 هو الشريحه الفعلية و 2 هي الالكترونيه و اذا دخلت على تفاصيل المكالمة يعلمك اي شريحة الكترونيه ( اذا عندك اكثر من وحده )
----------------------------------------------------------------------------------------------------------------------------------------------
معلومات اضافية ؟
طبعا تقدر تخلي رقم هو الاساسي بالاتصال و رقم هو الاساسي بالنت
من الاعدادات ثم عام ثم البيانات الخلوية و تطلع كل شرائحك و تختار اي شريحه ياخذ منها بيانات
و ثم الاعدادات ثم عام الخط الصوتي الافتراضي و تختار الرقم من القائمه اللي قدامك ( كل ارقامك )
----------------------------------------------------------------------------------------------------------------------------------------------
اثناء المكالمة ؟
طبعا اذا اتصلت او اتصل عليك احد فإنه مباشرة الخط الثاني يكون مغلق
----------------------------------------------------------------------------------------------------------------------------------------------
الرسائل النصية ؟
اذا وصلتك رسالة نصية يكون عندها خيار يوضح لك هالرسالة وصلت على اي رقم
----------------------------------------------------------------------------------------------------------------------------------------------
التجوال ؟
طبعاً تشتغل تجوال معك كأي شريحه عاديه ولايحتاج ان الشركة اللي بتشبك معها خارجيا تكون مفعله الـ eSIM في شبكتها مثلي حاليا مفعل تجوال في شريحه كويتية و بحرينية و اماراتية
----------------------------------------------------------------------------------------------------------------------------------------------
عيوب ؟
1- ما تقدر تفعل الا رقم واحد فقط في الـ iMessage و FaceTime و اذا بتفعل الثاني لازم تلغي الاول
2- اذا كنت تكلم في رقم فإنه الرقم الثاني يكون مقفول ، بس فكرنا بحلول منطقية و للاسف هذا هو الحل المنطقي ( اللي سوته ابل )
----------------------------------------------------------------------------------------------------------------------------------------------
ـــــ
طبعا الموضوع سهل جداً بشكل ما تتصور و كل شيء واضح ، انا هنا مو قاعد اشرح قد ما انا قاعد اتعجب من جمال و سلاسة و ابداع آبل في تفعيل الـ esim اللي متوقع السنة القادمة او اللي بعدها يكون الشرائح كلها esim بدلا من وحدة فعلية
و اذا عندك اي سؤال اضافي ، هذا موقع آبل يتكلم عن الـ esim ايضاً
https://support.apple.com/ar-sa/HT209044
او توجه الى خيار الإستفسارات في الاعلى و نحن هنا للإجابة على استفساراتك
شكراً على المتابعة صديقي